Karilatsi muusõumin saa muusõumihuvilinõ võro keele nädälil, a muul aol kah, mängi vanan koolitarõn võrokeelist asju otsmisõ mängo ja koolilaudu pääl omma välän võrokeelidse mõistatusõ.
Viil pakumi võimalust kutsu muusõum kohvrin kuuli vai latsiaida. Valli om õigõ mitmõ teema vaihõl: „Rahvakallõndri tähtpäävä“, „Talotüü ja -toimõndusõ“, „Villpehme luu“ ja „Mustriilm“.
Võrokeelist tundi saa aasta läbi pitä ka muusõumin paigapääl: noorõmba koolilatsõ ja esiki latsisaialatsõ omma oodõdu kullõma juttõ elost rehetarõn ja inneskidsest aost mitme nuka alt. Võrokeelidse oppusõga tsihiotsmismäng passis kõigilõ alatõn põhikoolilatsist kooni peris suuri inemiisini vällä. Saa mõtõt triini ja üteliisi liiku. Kõgõ vanõmba kooliastmõ jaos om mõtõld muusõumitunn, kon kõnõldas, ku suur abilinõ om olnu inemisele aost aigu tuli.
Muidoki tulõs suurõmba rühmäga käügi inne muusõumirahvaga kokko leppü.