Innembädse Karilatsi algkooli edimädse kõrra pääl uut küläliisi välläpanõk, miä näütäs kooliello ja pakk ütekõrraga nii ärtundmisõrõõmu ku ka vahtsit tiidmiisi.
Klassitarõ om sisse säet 20. aastagasaa edimädse poolõ vaimun: klappõga koolipingi, kriiditahvli, oppaja kantsli ni harmoonium. Klassitarõ kõrvalt saa hiili ka koolipapa eloruumõ.
Näütüs „Kikas kutsõ koolitarrõ“ lask tundma oppi latsi koolitamisõ käändligast tiid Vanal- Võromaal –karalatsi mängomaast ja edimäidsist kuulmeistriist pääle kooni Eesti Vabariigi alostusõaastini. Umaette kotus om ant Nõvvukogo ao koolielole. Saa nätä toonatsit opiraamatit, kooliasjo, pioneerivärki ni koolivormõ, miä pakva ärtundmist mitmõlõ sugupõlvõlõ.