Mõnistõ Talorahvamuusõumi pooditarõ om tagasi tett 1926. aastagal valmis saanu Mõnistõ Tarvitajidõ Ütisüse poodi perrä.
1925. aastagal lõi 12 Mõnistõ kandi talomiist Uti poodi mano Mõnistõ Tarvitajidõ Ütisüse ni otsusti pistü panda ka vahtsõ poodimaja. Tuu jaos nä võti rindi pääle maatükü ja ehidi sinnä pääle poodimaja ni kaubalao. Hoonõ sai valmis 1928. aastagal.
Vahtsõndõt pooditarõ tetti vallalõ 2016. aastagal. Sisekujondusõ sääädmist tugõsiva vana ilma aolidsõ pääväpildi ni umakandi inemiisi mälehtüse. Täämbädsel pääväl saa muusõum-poodist osta meelüssit, eesti käsitüüd, võrokeelist kirändüst, kohvi, manohaukamist ni ijätüst.
