Oktoobrikuu oll eestläisi kallõndrin nimmi poolõst väega kirriv. Näütüses – viinakuu. Seo nimi on tulnu saksa keelest ja om köüdet sügüsese viinaajamisõga mõisan. Arvada hingiaost omma tulnu nimitüse „hingekuu“ ja „kooljakuu“.
Edesi jõvvami novvembrihe, miä nakas pääle hingipääväga. Märdikuu edimädsel nädälil om ka võro keele nätäl. Seol aol omma uma tegemise ja toimõndamisõ ka muusõumin. Olõmi inämbüse aost välän ja ku ilm vähägi lupa, sõs omma ka võro keele tunni välän.
Luudusõst omma sügüse kirivä värmi joba kaonu ja perrä omma jäänü pruuni ja halli tooni. A Mõniste muusõumi ümbrekunna tegevä kiriväs sildikõsõ, mille abiga saa võro kiilt miilde tulõta ja ka mano oppi.
Muusõumimäng om mõtõldu egän vannusõn latsilõ. Noorõmba läävä otsmismängo tegemä kuun oppajaga, vanõmba latsõ mängvä paarin vai sõs ütsindä. Kokko piät saama pallo õigit vastussit ja mängon omma ka avvuhinna.
Perän saa viil rehetarõn kullõlda Juhan Jaigi kaarnakivi-juttu võro keelen.
Muusõumitundõ kotsilõ saa inämb teedüst Tamtiku Mare käest telefonil 5622 8538 vai e-kiräga mare.tamtik@wi.ee.